「我好推薦要去南極！」

我Join左3島行程🤣, 16 dec 2022- 04 jan 2023。

超鍾意雪山冰山！嗰種藍色係超級超級靚！特別係隻藍色好少見到, 天同海都比唔上嗰種好通透嘅藍色。去任何企鵝嘅繁殖地，不論係味道定數量都好衝擊🤣有penguin highway嘅最cute🥹見到佢哋一仆一轆真係好搞笑，睇住佢哋喺條路仔打交嘈交可以睇一日。

我冇坐過其他郵輪，Ocean Victory雖然唔算大但設施唔少，甚至有grill bar按摩池嗰啲都好夠做。就算on sea嘅日子都有豐富嘅talk可以出席，有個snack corner/bar可以係咁食。🤣啲talk唔洗怕聽唔明，ppt好多圖，都可以catch up到佢哋講嘢，甚至可以舉手stop佢哋要解釋。啲guide好好唔會介意你問，佢哋都welcome。

行程方面更加係冇得輸！今次係少有可以去晒咁多個大大小小嘅島，都係好好天冇腰斬。啲guide都話我哋係好好彩可以去晒，佢哋有啲都係只係試過幾次去晒。船長更加搵到好位比我哋落船，經驗滿滿!

最難忘嘅唔係地方，係落雪！旅行都冇乜去咪話睇雪。第一次見證落雪，真係又興奮又感動！即刻衝去甲板影相睇雪。面對住歐洲會落雪好冷靜嘅roomate，我即刻變番細路仔🤣同佢解釋香港係熱帶區我都冇機會睇雪亦都冇去過有雪落嘅地方，佢即刻話go enjoy your showing dont stay inside。佢完全feel到我嘅興奮🤣😹

我好推薦要去南極。除左風景動物之外，我會覺得要襯有機會就要，因為唔知會幾時冇左會消失, 加上呢個咁特別嘅地方真係冇理由唔去！tips我就唔敢講🤣

但唔洗怕溝通唔到, 我英文都唔係特別好, 只要敢講, 佢哋都唔會介意我哋講得慢/重複。同埋唔洗怕凍😹唔算凍😹香港濕凍真係世一😹喺南極最凍嗰幾日上身只係著底衫+面衫+羽絨+佢件jacket+面罩都夠, 怕凍可以開埋暖包。但會好大好大風, 要有心理準備🤣

有多樣分享就係我喺船上中Covid，我諗呢樣真係獨一無二🤣上船第二日起身就覺得瀨晒嘢，周身酸痛頭痛鼻水鼻塞feel到發燒乜都齊。自己有帶定快測插下先，唔洗2分鐘即刻見晒兩條線仲要個T位極極極深色。即刻call front desk話自己中左，對方靜左幾秒但反應都好快😹😹😹叫我stay喺房等醫生call我落去睇。

問左我基本資料有咩唔舒服，個人瘟瘟沌沌，佢好有耐性但係行到好遠😹我show左張快測相俾佢睇，大家都係無奈笑, 我諗佢都冇諗過咁都有Covid patient😹船有得做pcr test，有醫生有藥食。並不便宜哦, 仲要收美金🤌🏽好彩有保險🤌🏽🤌🏽但啲藥都只係緩減症狀，有啲仲要覺得冇乜用😗5日唔可以岀房，5日之後嘅7日要戴口罩。所以基本上全船人都知中嗰日係我🤓

Room attendance會送餐單同嘢食喺房門口，唔想食menu嘢可以打去front desk講想食乜，佢都會盡量安排。因為要isolate,我miss左poker party, 本身話放監先比我。但冇啦啦有人敲門，結果係啲guide話想比我有得遠程喺房live join party。佢哋特登揾人攞啲size上嚟比我試！真係超級surprise！嗰下有啲想喊🥹重病加上人在累鄉自己一個都幾無助，但佢哋都會想辦法安慰關心我🥹呢個真係勁warm, 一世都會記得!

Cola Cheung